香港新浪網 MySinaBlog
« 上一篇 | 下一篇 »
Dozy.第一桶金 | 27th Oct 2015 | 一般, 財富@投資世界 | (3226 Reads)
上個月的睇樓 Party,進擊港島區!
之前一直比較少到港島睇樓,因為細價樓炒到瘋顛,作為龍頭的港島區400 萬以下的細價樓更少,難得樓市氣氛逆轉,各區筍盤湧現,立即到港島區殺價尋寶,30 多位同學分成 6 組出擊,再到港島東某會所宴會廳分享交流,尋寶路線包括港島西、港島南、港島東及灣仔銅鑼灣,最驚喜的是有同學竟然即睇即買,比市價平咗 80 萬...

Picture


先簡單分享一吓港島區的戰情...
港島西戰線...由於港鐵已經通車,樓價已經炒上!
筆者出身於港島西,以前這裡是貧民區,樓價之低泊得住天水圍,後來由於地鐵效應,短短 10 年間由最平地區之一,炒到成為最貴地區之一,新樓呎價 2 萬以上是新常態,維港峰最近更有成交衝破 3 萬!至於樓齡 30 至 40 年的二手樓,呎價大約 1.3 萬起,視乎地段與質素而定,成交量比較高的屋苑有嘉輝花園、均益大廈、高樂花園等。以筆者觀察 3 個地鐵站以西營盤比較便宜,香港大學站租務最活躍,堅尼地城價錢最貴、最多外國人進駐。

灣仔、銅鑼灣...炒家必爭之地!
樓價、租務相對穩定,區內以舊樓為主,很多朋友問買 4、50 年的舊樓怕唔怕估唔到價,怕唔怕將來賣唔到,視乎個別地區而定,灣仔、銅鑼灣區則問題不大,有錢人、炒家、資深投資者、付得起錢的外國人太多了,很多買家根本不用借錢,有機會再詳細分享。

港島南...明日之星!
睇過地鐵通車對港島西的樓價影響,就可以預期港島南的爆炸力,香港仔、田灣未有地鐵,率先通車的是黃竹坑及鴨脷洲,鴨脷洲有兩個站,海怡、利東站,海怡站故名思議是以海怡半島為中心,都是長實 80 年代的出品,與黃埔花園甚相似,環境、會所及配套設施等可謂有過之而無不及。利東站主要服務利東邨及鴨脷洲大街,指標屋苑有深灣軒、悅海華庭等,最近有不少新盤,亦有很多單幢樓、舊樓,值得尋寶,邊度值得投資?講座再詳談。

港島東是今次睇樓 Party 其中一個焦點...
北角即將有多個大型新盤出台,包括油街、北角碼頭項目等,太古城及鰂魚涌一帶一向是上班族及日韓人士至愛,價值較高最近新盤比較多的是西灣河及筲箕灣,例如柏匯及 Island Residence 等,最東面還有柴灣,不過公營房屋、工業大廈較多,加上遠離商業區,筆者認為即使價錢比較便宜,投資價值相對較低。

今次的筍盤位於筲箕灣...
樓齡不到 30 年,非常靠近港鐵站,實用面積接近 300 呎,以這個樓齡及 Lump Sum,成交呎價 1.4 萬左右,價錢約 420 萬,據代理所說,業主年紀已經很大了,健康情況並不樂觀,子女為免物業成為遺產,要辦理手續,仲可能會有爭產情況,於是幾兄弟姐妹計劃賣樓分家,碰上市況逆轉,急於求售,當中原因可以參考之前的文章「筍盤在那裡?(1)...遺產!唔好死住呀!」傾到即日落票 340 萬,足足平了 80 萬,相等於樓價大約 24%,兩房單位 1.4 萬應該冇乜難度,回報 4.9%,同學飯都唔食就飛撲去落票,機會總留給有準備的人!

港島區價錢貴大家都知...
今次的事件正好說明,多貴的地方,都會有筍盤的,哈哈!

★★ 1% 廣告時間 - 地產投資實戰。免費講座!★★
題目:入市機會重臨!苦等一年,終於調整,仲唔行動?
   今年唔買樓勢必後悔!筍盤湧現,平兩、三成都有!
   住宅樓價會調整幾多?點樣鋤價?幾時撈底?
   買乜嘢樓最穩陣?最有前景?點殺價殺多幾十萬?
   投資者揀爆升樓、改間格倍賺秘技大公開!

講者:本人。1% Anthony!多謝支持!
經濟一週專欄、暢銷書「上車又住又賺」、「樓轉命運」、「工商舖小本投資入門」、「細價樓投資致勝術」等作者。
日期:11 月 13 日(五)7~10pm  
地點:佐敦
留位:65330710-Cola、60980107-Icy(歡迎 Whatsapp)

About ME...
Facebook 群組:投資兵團、投資兵團遊樂團
第一桶金 Facebook:www.facebook.com/anthony.wealth
第一桶金 Blog:http://anthony_chung_is.mysinablog.com

NEW!第一桶金信箱
如有關於物業的問題,歡迎到我的 Facebook,PM 給我!
1) 如果我識答,2) 如果不涉及太多課程內容,將盡量回覆。

免責聲明:本文純粹筆者個人意見,沒有促銷物業意圖。本人盡力確保資料正確,但不保證完全無誤,讀者須親身求證,參閱相關資料及售樓說明書,若有任何損失本人概不負責。

留言(0) | 引用(0) | 話題(地產)